尋晚蓋暉暉同中樂團的演唱會開饠了,今次蓋暉暉的造型好靚好閃好高貴,我都有少少驚訝她今次的造型!

講番個演唱會先,唔知點解個演唱會好似好趕咁,流程好快,覺得”吓乜咁就完喇”!

首先講講中樂團演奏的樂曲”數碼之源”呢首曲幾正,好有節奏感同時代感真係好有氣勢,之後身穿黑色旗袍梳了個野蠻奶奶髪型的蓋暉暉出來演唱,她唱得中規中舉,聲音似有少少沙,可能同最近不停採排有關,幾首粵曲我最鐘意係”情歸何處”(我又不自禁地想起梅姐果首情歸何處了 ,夜有點涼….)江河水這首曲真係幾好聽,德叔的詞也唔錯!其實聽到”玉梨魂”這首歌時我有點想瞓 ,唔好誤會我想瞓唔係個演唱會悶,係尋日七點幾起身返工己經有點攰再加上中樂團的樂曲十分柔和聽到我好舒服 所以我想瞓!

十五分鐘中場休息後,閰老師、暉暉同嘉賓馬仔出場,暉暉呢次出來的造型係低胸青色長裙加一頭長曲髮,而頸上就帶了一條好閃的鑽石頸項,呢個係三個造型中我最鐘意,可惜只係同馬仔唱了一首”鳳閣”又轉造型了 !”鳯閣”呢首歌她倆人當時代曲唱有點兒怪怪的!之後馬仔唱自己的兩首歌,不知何解我覺得好似馬仔有馬仔自己唱樂團有樂團自己奏咁不太夾 !

馬仔唱完後換了一身粉紅色長裙的暉暉又出來,首先唱的係”戲班小子”呢首歌原本係好輕快,但係佢唱得好快,似RAP歌多D ,接住係唱的係”紅棉”呢首歌她得好好,似乎佢唱男人歌適合D!再來的是我期望以久的”心債”呢首歌她唱到…唉!我都唔知用乜野來形容好…我聽到她唱第二句我己經皺眉之後更想暈,她唱到喊咁好難聽,我真係冇眼睇,成首歌我不敢望她,只敢偷偷望一眼,她當時的表情好似好痛苦咁 ,坦白講身為二十幾年梅迷的我對她唱呢首歌的要求都幾高,當然我唔期望她唱到好似梅姐或其他歌手咁只要唔好太差就得,對我來說她唱呢首歌係非常唔合格而且非常失望,可能昨晚佢係第一場緊張至唱到咁希望她之後幾日會唱得好D!之後再來首安歌”逝去的諾言”佢唱得比”心債”好少少 不過呢首歌唔太適合她唱,係聲底問題,可能我聽慣陳慧嫻唱覺得呢首歌係聲底薄的人唱先至好聽!

今次的演唱會好似比上兩次短,十點一、二就完,之後簽名會完了,再送埋暉暉上車就走,到家都係十一點半,仲買埋麥記食!聽日又去睇了,希望她會唱好”心債”!

這個造型其實也幾靚,件旗袍好閃!

呢身造型就係我最鐘意的,簡簡單單的可惜只是唱了一首歌!

這件衫我覺得唔太靚,穿了有點似小鳳姐!

註:以上圖片係香港中樂團MAIL比我,因為我一向有收中樂團的節目預告,如以上圖片有侵版權請通知我,我將會刪去。