上星期五同bobo出去行街睇戲食lunch,短短幾個鐘用咗我成千銀,同bobo say goodbye後,諗諗下有隻pc game「夢想大都會-福爾摩沙」好想買,但唔知出咗未,於是就走去信和一轉,見到己經出咗就買,隻game都幾貴共銀$238,鬼叫我鍾意玩模擬game,好似模擬市民咁啦,我果日出去睇見到呢隻game又出多幾款資料片,真係買game都買窮!

好啦!返到屋企load隻gameo黎玩,但load咗好耐都load唔到,於是我細佬就拿起個盒來睇就話:「隻game都唔支援vista!」天呀!我竟然唔記得屋企部電腦轉咗window,而家用vista,咁即係玩唔到,要等我細佬load番window XP先至可以玩得,等佢load,真係不知要等到何年何月!

首先多謝Ada姐姐的關心,其實到了第二日我己經冇事,只是可能有些唔夠瞓的關係有些少頭痛!

剛剛過去這幾日是香港回歸十週年,香港人人都有好多節目,但我就冇,因為要返工所以回歸十年冇乜太大感覺,最大的感覺都係星期二晚蓋暉暉係大埔文娛中心做一個回歸的演出,因為今次係派飛的,又唔知派飛的時間同地點,所以根本就睇唔到,最惨就係放工經過文娛中心的門口,但就入唔到去,近在咫尺都見唔到,真係好羡慕可以入到場的觀衆!

今個星期我仲同細佬夾錢買咗部PSP,每人夾咗成千蚊,銀包又冇錢,所以又要慳,有些少錢就身痕,難怪我冇錢剩,真係餐搵餐食餐餐清,仲話想儲錢買套BIEM的套裝,都唔知儲唔儲到,可能等我個妹結咗婚都未儲到,唉!呢次真係要o的起心肝至得!