處女星號上的第二日!
食完早餐後,上房抖咗陣之後再落大堂睇睇幾時集合,因為麗星無端端改行程將三日二夜改為二日一夜,我地成團人要落一落船行大運再返上船,去到大堂見到其他fans圍住劉生,當然走埋去睇睇,聽到劉生話一點集合,劉生就同衆人講新報同文匯報有蓋某人的靚相,於是個個打電話比家人代買報紙,之後聽到他們傾計的內容好搞笑,劉生仲自爆自己幾多歲,跟住硬銷艷舞<激情>好好睇又話係一絲不掛演出(據我所知只係裸露上身)等等,有fans問劉生有冇去睇,劉生話冇(你都冇睇又知好睇?
)接住有另一個fans話楚令欣去咗睇,睇完之後話睇到好“漏”喎!聽完之後就去搵番D家人,到十二點就上十二樓食lunch,當時船上只得我地班團員所以唔洗搵位,食完之後就集合再搞多次出入境手續後就落船行大運再上船,跟住直接上十二樓銀河星夜總會參加慶功會,蓋某人只出現咗大約十分鐘,因為她話趕住要採排同化粧(當晚六點開show),所以抽完奬就走咗,慶功會完咗之後又去到同層的地中海餐廳食tea(餐餐都係呢間食我已經好厭)食完之後同bobo兩姐弟行咗陣,開始有D眼瞓,於是返咗房瞓個半鐘
,就落去睇show啦!
第二晚的show同第一晚所唱的歌大致一樣,只是有一首歌唔同咗,冇咗人生於世唱了另一首,係唱第一首戲班小子時的第一段唱快咗,暉暉hey完時第一段D音樂仲未完,到第三首竟然令我非常驚喜係唱呢首前蓋暉暉講咗段說話“見到一家大細上船D有父母啦,有小朋友啦!小朋友緊係父母的心肝寶貝啦!我都希望成為你地的心肝寶貝”fans當然大叫好,但我正在想點解成段講心肝寶貝呢四個字難道………話口未完就話唱心肝寶貝
,呢首心肝寶貝又係我家梅姐的歌,當年呢首唔係主打歌,只係一部由梅姐主演的電影主題曲,但在梅迷內是一首很受歡迎的歌,我自己都好鐘意,真係合埋眼都識唱,不知誰人咁識貨揀咗呢首唱
暉暉,開頭入歌時慢咗半秒,唱錯一句歌詞,原本句詞係“瞳孔早擴張失去焦點”,果句失去焦點唱咗“福以竹掩”同埋唱得硬咗小小之外都唱得好好very goood
比起六月時唱心債時好N倍,冇咗陣粵曲味!雖然有小小失誤但都成為我係呢次演唱會最愛的歌,正呀!再唱到握手位時,我終於捉到佢隻手,雖然係手背但都好開心,唔知點解我握到梅姐隻手時比較深刻反而捉到暉暉的手就好似冇乜感覺
,係混亂時場內D外藉食蕉不斷阻人影相,連劉生舉機影都唔比,見劉生面色一沉見佢叫D fans出去影,食蕉照舊唔比,跟住有個師奶fans用英文同食蕉講(動作指住暉暉)her father! her father!個食蕉有點愕然,但都係唔比
,時間過得好快五十分鐘的show就結束了,真係有點唔捨得,整體來說呢個show真係好正扺睇
!
完show後bobo揾埋bobo弟去食dinner,今次我地唔再上十二樓食,而是落去六樓的碧浪雅閣西餐廳,唔知係我地早還是D人習慣咗上十二樓食,去到唔係太多人,雖然D東東份量唔係太大碟但就食得飽味道都唔錯,好過上十二樓呀食極都唔飽,食完後己經八點幾,我地打算去睇船上的奧運show但就九點九才有得睇,既然未夠鐘就上船頂觀星,我們三人坐在沙灘椅上仰天睇星,睇睇吓我撞手神指向左邊話果粒叫bobo星,突然間有一道白光短暫劃破夜空大概兩三秒左右,bobo突然話有東東飛過,我初時都以為係我眼內的殘留影象,點知連bobo弟都話見到,咁即是我地都無眼花見到流星呀
!之後我地行去船頭,船頭有些巨型的儀器遮住了船上所有的燈光.所以一去到“嘩”咗聲D星星多到佈滿成個天,我咁大個女從來未見過咁多比前一晚多好多倍,加上我地企的位置令到空間感更大,果一刻覺得人真係太渺小,大自然的力量真厲害!到差唔多時間就落去睇show,個show都好正,係吊環果part果位表演者正是昔日2000年悉梨奧運的體操銀牌得主,退役後在船上表演雜技,望住他有一種失落感,完show後上十二樓夜總會聽唱,他們唱的是懷舊國語歌,好好聽同好搞笑,之後我老豆同bobo弟都話見到暉暉(搞錯呀!他們唔係fans就見到反而我地係就見唔到
),在bobo弟口中知道暉暉同班朋友係大堂的收費餐廳食東東,我們三人就落去見見她,落到去見她起身走人我地就離遠跟住她,見她走出甲板我地到跟到出去,聽到她說得兩粒星(當然啦!甲板不是觀星最佳位置
所以只係睇到兩粒最光的)跟住聽到她身旁的朋友指住其中一粒話果粒係joyce星,之後她們就返入大堂搭電梯返房,而我地就上返十二樓聽歌,之後眼瞓了返房沖涼就睡,第二朝八點起身食早餐,食完東東整好行理再辦手續十一點九就落船了,三日二夜的處女星號就完,十月處女星就返新加坡了,不知幾時會再來,而接替處女星的係寶瓶星號,據我所知寶瓶星比處女星細,外型似雙魚星號,希望將來再有機會上去處女星玩!
http://www.56.com/u78/v_MTcxNjczNzE.html既然聽唔到蓋暉暉唱的心肝寶貝,咁就聽原裝正版梅姐唱的心肝寶貝,留意梅姐的做手都唔錯,梅姐好少唱呢首,奇怪呢次唱竟然改咗句詞,心窗已虛掩改作盼君會遮掩!
行大運後再上船的慶功會,可惜暉暉只出現十分鐘!
第二晚我坐正路口位,終於可以握到手了!
(0)
,接住第四首係萬水千山總是情,唱得比汪阿姐好,第五首禪院鐘聲,估唔到有驚喜就是暉暉走落台握手,台下一片混亂,本來係唔準影相,人人趁混亂都唔理了,個個都照影,暉暉被fans同觀衆包圍,可惜坐在靠則位置握唔到手
,之後請了李婉誼唱了幾首曲,唐伯虎點秋香的求神,拾釵,香夭,幽媾唱完粵曲最後再安歌首今晚夜,呢首她又唱得好好喎!她唱了兩晚這晚唱得最好,並不是第二晚不好只係有D失誤!
係蓋某人剛才所唱的今晚夜,段段續續瞓吓醒吓,總之一合埋眼就啦啦…..
,頂唔順起身,望望手機只有四點三,我老豆問我做乜我話瞓唔著,打算出去行吓,點知我老豆都係,於是擦牙洗面出去行,我地去到船的頂層睇星星.嘩!D星星好多呀,係香港絕對見唔到,老豆仲教我睇星座,獵戶座同金牛星,睇到差唔多五點多,就走到甲板等睇日出,等了半個鐘終於睇到啦!個感覺好正,係水平線上睇日出真係好難忘!睇完日出上去夜總會食日出早餐,果D面包一拎就知係隔夜,食咗兩舊唔好食,就落房叫醒老媽佢地飲早茶了…………..待續處女星號上的第二日!
混亂後仲未平服,快快手影兩張!
美女的一身裝束,好靚仲好閃!
我的宵夜,全是蛋糕,唉!又肥幾磅了!
日出啦!好靚,睇住佢慢慢升起真寫意!
不知何時再有機會睇到日出呢?
,第一次知她要上四川地震的災區做採訪我們一班網友都好擔心她的安全,她在上另一個災區的路上給我們報平安,話比我們聽當地的情況,她仲話比我知她所帶的頭盔也被山上滾落嚟的石頭砸爛咗,又說又再有地震啦!當她回到北京後她問我她係唔係好冇用,因為她話見到災區的情況精神幾乎漰潰要睇心理醫生,我話當然唔係,每個人看到咁嘅情況都會一樣的情况,你己經好叻!
,因為她三十二年前的結婚晚裝仲留係度
,難怪她成日話她後生時仲瘦過我,可惜結婚一年後,就陸陸續續生咗我地四條化骨龍後,苖條的身材就開始走樣了………….
),所以大概有點印象!
,與其整段床上戲上去倒不如加番場我最愛的舌戰群儒好過,我睇央視版的呢段好正,可惜係電影版上就冇,呢樣有少少失望,仲有係開頭的趙龍保主時我見到D臨記村民邊走邊笑![[bomb]](http://forum1.hkgolden.com/faces/bomb.gif){kind=small}
,試問趙雲同敵軍在你身邊互片時你又會唔會笑得出
,好似個大型商場咁(不用說比黃埔果個大得多
)”傾到六點十佢要上船,我都走了!講開在船上的演唱會,我尋晚睇人家的blog,之前草蜢上船唱話可以任影喎!唔知到時暉暉又可唔可以任影呢?跟住諗住行去搭車時又比我見到某一個牌子的內衣做開倉,走咗上去睇,原來除了有內衣褲外,還有泳衣賣,原本我都打算上船游水,但自覺穿泳衣實在嚇親人在所以打消念頭了,但內衣就買了幾件都算有收穫啦!
處女的正面,靚嗎?看看船頭果度可以上去企企,但我唔敢因為我畏海,不知有冇人試過走上去扮里安立度
搜船太大船頭船尾都影唔晒只影到個船身!
冇改錯名,她真係super star!
呢個係大堂正門,牆上面仲油了某人鍾意的粉紅色,講真我覺得牆上油粉紅色有D娘!
係出發前工作人員努力幫處女化番個靚粧!
係海運中心的登船處已貼上新的演唱會海報,海報上咁多個我只專注望住一個,係邊個都唔駛講喇掛!不過海報上有兩個Joyce Lee,一個係李樂詩,另一個係我家暉暉(她本姓李)兩個都叫joyce,哈哈都幾得意!
在尖沙咀跟bobo會合時見到處女星號,下一次跟暉暉再見時就在八月處女星號上的演唱會了,處女星等我呀!
低下頭專注簽名的暉暉也有另一番韻味!我仲聽到她說係用陰力來簽名添!
簽完名後暉暉跟閰老師來個合照,由於現場拿相機的fans太多,可愛的暉暉同閰老師講「我地不如由左掃到右!(望fans鏡頭)」fans其實見偶像就影,只要見到個樣望唔望都冇乜所謂,當然望就最好!